ज्या बसच्या बसफॅनिंगसाठी या रविवारची ही छोटीशी बसफॅनिंग ट्रिप आखली होती, त्या शिवाई बसचा डौल टिपण्याचा प्रयत्न.
ब-याच दिवसांची बसफॅनिंग ट्रिप राहिली होती. माझ्या अत्यंत आवडत्या अशा नागपूर - चंद्रपूर मार्गावर महाराष्ट्र एस. टी. ने वातानुकूल इलेक्ट्रीक बस इ - शिवाई या ब्रँडनेमने सुरू केल्याचे कळले. त्या बसने प्रवास करण्याची अनिवार इच्छा होती. चि. मृण्मयीला विचारले. ती पण उत्साहाने या बसफॅनिंग ट्रीपसाठी तयार झाली.
बस म्हणजे आम्हा बसफॅन्सची प्रेयसीच. तिला असे डौलात रॅम्पवाॅक करत येताना बघून "आली ठुमकत नार लचकत मान मुरडत" हेच गाणे आम्हा बसफॅन्सना सुचणार.
जांब बस स्थानक.
दिनांक १ / १२ / २०२४
साधारण साठ सत्तर वर्षांपूर्वी पु ल देशपांडेंनी म्हैस ही कथा लिहीली. कोकणातल्या रत्नागिरी ते मुंबई प्रवासाचे वर्णन करताना एकेका कोकणी इरसाल माणसांचे त्यांचे व्यक्तिचित्रण फ़ार लोकप्रिय झाले होते.
साठ सत्तर वर्षांनंतरही प्रवासात पुलंचेच वर्णन आठवते आणि अगदी तसेच घडत राहते हे पुलंच्या लिखाणाचे सार्वकालिकत्व नव्हे तर दुसरे काय ? चिरंतन लिखाण असेच असते. कधीही संदर्भहीन न होणारे.
- पुलप्रेमी, प्रा. वैभवीराम प्रकाश किन्हीकर
दिनांक १ / १२ / २०२४
जाम बस स्थानकात एकाचवेळी ३ नव्या आलेल्या इ शिवाई बसेस. आणि त्याक्षणी तिथे फक्त इ शिवाई बसेसच. त्यांचेच राज्य.
सगळ्या सुपर मार्केटस मध्ये आणि सगळ्या पेट्रोल पंपांवर ग्राहकांच्या गरजेपेक्षा एक काऊंटर कमी सुरू ठेवून जर ग्राहकांना उगाचच रांगेत ताटकळत ठेवण्याचा कायदा असेल तर तो देशव्यापी चळवळ करून मोडून काढला पाहिजे.
