देवाचिये व्दारी - ६

 

साधुबोध झाला तो नुरोनिया ठेला I

ठायीच मुराला अनुभवे II

 

कापुराची वाती उजळली ज्योती I

ठायीच समाप्ती झाली जैसी II

 

मोक्षरेखे आला भाग्ये विनटला I

साधूंचा अंकिला हरिभक्त II

 

ज्ञानदेवा गोडी संगती सज्जनी I

हरी दिसे जनी आत्मतत्वी II

 

 

एकदा एखाद्या सज्जन सत्पुरूषाच्या संगतीत एखादा मनुष्य आला की कापूर उजळल्यानंतर त्याचे स्वतंत्र अस्तित्व राहत नाही तसा तो मनुष्य त्या साधूच्या व्यक्तीत्वात मुरून जातो. संत, सज्जन संगतीचे महत्व अधोरेखित करणारा हा अभंग.

 

II निवृत्ती ज्ञानदेव सोपान मुक्ताबाई एकनाथ नामदेव तुकाराम II

 II जयजय रघुवीर समर्थ II

 

- प्रा. राम प्रकाश किन्हीकर

(आषाढ कृष्ण व्दितीया, शके १९४४ , दिनांक १५/०७/२०२२)