कोणाचे हे घर हा देह कोणाचा I
आत्माराम त्याचा तोचि जाणे II
मी तू हा विचार विवेके शोधणे I
गोविंदा माधवा याच देही II
देही ध्याता ध्यान त्रिपुटी वेगळा I
सहस्रदळी उगवला सूर्य जैसा II
ज्ञानदेव म्हणे नयनाची ज्योती I
या नावे रूपे ती तुम्ही जाणा II
मी कोण, मी कोणाचा या प्रश्नांचा धांडोळा स्वतःच्या अंतःकरणात घेऊन याच देहात असलेल्या परमेश्वराची अनुभूती साधक मंडळींनी घ्यावी असे अत्यंत आग्रहाचे प्रतिपादन माऊली आपण सर्व साधकांना करताहेत.
II निवृत्ती ज्ञानदेव सोपान मुक्ताबाई एकनाथ नामदेव तुकाराम II
II जयजय रघुवीर समर्थ II
- प्रा. राम प्रकाश किन्हीकर
(श्रावण शुद्ध दशमी, शके १९४४ , दिनांक ०७/०८/२०२२)
