देवाचिये द्वारी - ५८

 

साहावी भक्ती ते वंदन I करावे देवासी नमन I

संत साधू आणि सज्जन I नमस्कारीत जावे II

 

भक्त ज्ञानी आणि वीतरागी I महानुभाव तापसी योगी I

सत्पात्रे देखोनि वेगी I नमस्कार घालावे II

 

जेथे दिसती विशेष गुण I ते सदगुरूचे अधिष्ठान I

या कारणे तयासी नमन I अत्यादरे करावे II

 

सर्व देवास नमस्कारिले I ते येका भगवंतास पावले I

येदर्थी येक वचन बोलिले I आहे ते ऐका II

 

नमस्कारे लीनता घडे I नमस्कारे विकल्प मोडे I

नमस्कारे सख्य घडे I नाना सत्पात्रांसी II

 

परम अन्याय करूनी आला I आणि साष्टांग नमस्कार घातिला I

तरी तो अन्याये क्षमा केला I पाहिजे श्रेष्ठी II

 

नमस्कारास वेचावे नलगे I नमस्कारास कष्टावे नलगे I

नमस्कारास काहीच नलगे I उपकर्ण सामग्री II

 

साधक भावे नमस्कार घाली I त्याची चिंता साधूस लागली I

सुगम पंथे नेऊन घाली I जेथील तेथे II

 

 

या सहाव्या समासात श्रीसमर्थांनी वंदन भक्तीबद्दल आपणा सर्वांना उपदेश केलेला आहे. वंदन भक्तीसारख्या साध्या सोप्या मार्गाचे किती फ़ायदे आहेत ह्याचा श्रीसमर्थांनी त्यांच्या वाणीतून आपल्याला जणू प्रसादच दिलेला आहे.

 

II निवृत्ती ज्ञानदेव सोपान मुक्ताबाई एकनाथ नामदेव तुकाराम II

 II जयजय रघुवीर समर्थ II

 

- प्रा. राम प्रकाश किन्हीकर

(भाद्रपद शुद्ध नवमी, शके १९४४ , दिनांक ०५/०९/२०२२)