करूणाष्टक - ४

 

तनु-मन-धन माझें राघवा रूप तुझें ।

तुजविण मज वाटे सर्व संसार वोझें ॥

प्रचलित न करावी सर्वथा बुद्धि माझी ।

अचल भजनलीला लागली आस तूझी ॥ ४ ॥

हे रामराया, माझे शरीर, मन आणि संपत्ती ही सगळी तुझीच रूपे आहेत रे. तुझ्याविना हे सारे जग मला एखाद्या ओझ्याप्रमाणे वाटते आहे. रामा, माझी बुद्धी ही तू जगातील इतर जनांच्या बुद्धीप्रमाणे शरीर, मन आणि संपत्तीलाच सर्वस्व समजणारी अशी करू नकोस. मला तुझ्या अचल अशा भजनाची आस लागलेली असू दे.

- प्रा. राम प्रकाश किन्हीकर

(या श्लोकाचा व्हिडीयो इथे)