करूणाष्टक - ६

 

जळत ह्रदय माझें जन्म कोट्यानुकोटी ।

मजवरि करुणेचा राघवा पूर लोटीं ॥

तळमळ निववीं रे राम कारुण्यसिंधू ।

षड्‌रिपुकुळ माझें तोडि याचा समंधू ॥ ६ ॥

हे रामराया, माझे हृदय (या जगरहाटीत अडकल्याने) कोट्यानुकोटी वर्षे जळते आहे, अशांत आहे. त्यावर तू आपल्या करूणेचा वर्षाव कर. हे करूणेचा सागर असलेल्या, रामा माझी तळमळ तू निवारण कर आणि गेली अनेक जन्मे माझ्यासोबत माझ्या आप्तांसारखे असलेले हे कामक्रोधादि सहा शत्रू यांचा माझा संबंध आता तोड.

- प्रा. राम किन्हीकर

( या श्लोकाचा व्हिडीयो  इथे )