करूणाष्टक - ८

 

सबळ जनक माझा राम लावण्यकोटी ।

म्हणवुनि मज पोटीं लागली आस मोठी ॥

दिवस गणित बोटीं ठेवूनि प्राण कंठीं ।

अवचट मज भेटी होत घालीन मीठी ॥ ८ ॥

माझा पिता राम हा अत्यंत बलवान आणि सुंदर आहे म्हणून त्याला भेटण्याची मोठीच आस मला लागलेली आहे. इतकी आस की ही भेट कधी होईल याची मी कंठात प्राण आणून रोज मोजणी करतो आहे. मला जर तो राम भेटला तर मी त्याला प्रेमाने मिठी मारेन इतकी अनावर वाट मी त्याची बघतो आहे.

- प्रा. राम प्रकाश किन्हीकर

(या श्लोकाचा व्हिडीयो इथे)