काळ : माझी एक कविता

शासकीय अभियांत्रिकी महाविद्यालय, कराड येथे तृतीय वर्ष अभियांत्रिकीला शिकत असताना केलेली माझी एक कविता आपल्यासाठी सादर.

गुंतून पडणं जमणार नाही

म्हणूनच इथं थांबणार नाही

भग्न स्वप्नं कवटाळायची नाहीत

मागे वळून पहायचं नाही

कारण भूतकाळ आता हातात नाही

वर्तमानाचाही भरवसा नाही

पण

भविष्यकाळ दगा देणार नाही

असलेल्या वर्तमानाला

आणि गेलेल्या भूताला

पावलांचं जडपण जाणवू द्यायचं नाही

पण संवेदनाही बधीर होऊ द्यायच्या नाहीत

पहाटेशी अबोला धरायचा नाहीच

पण संध्याकाळशीही नातं तोडायचं नाही

तरीही मागे वळून पहायचं नाही

कारण

गुंतून पडणं जमायचं नाही.

- राम प्रकाश किन्हीकर