जीवनात सुदैवाने खूप उत्तम गायक गायिका मित्र मैत्रिणी म्हणून लाभलेत.
महाविद्यालयीन जीवन साहित्य, संगीत आणि इतर ललित कलांनी बहरले. समृध्द झाले. मैफिलीत आम्ही तानसेन नसलो तरी खूप उत्तम संगीत सातत्याने कानांवरून गेल्याने उत्तम कानसेन मात्र झालोत.
गाण्यात तल्लीन झालेल्या, गानसमाधी लागलेल्या, गायक / गायिकेच्या भुवयांमधे गाण म्हणताना मधेच एक सुखद वेदनेची झलक बघायला मिळणे म्हणजे श्रोत्यांच्याही आनंदाची परमावधी. एखाद्या अप्राप्य सुरासाठी त्या गायकाने / गायिकेने जी साधना केलेली असते ती अशा अनामिक क्षणी फलद्रूप होते, नेमका तो सूर गायकासमोर / गायिकेसमोर हात जोडून त्या सुराला गळ्याद्वारे / वाद्याद्वारे प्राकट्य देण्याची विनंती करतो, तो विजयाचा क्षण. अत्यंत सुखाचा.
गाणं श्रवणीय तर असतच पण प्रेक्षणीयही होत ते अशा क्षणांमुळेच.
- खूप उत्तम कलाकारांचा सहवास लाभल्याने कानसेन झालेला रामुभैय्या व-हाडवाले
No comments:
Post a Comment