मी एक प्रवासी पक्षी,: दत्तशिखर माहूर बसफ़ॅनिंग (२०१८ आणि २०२०): नवे पर्व, एम. एस. सर्व

Wednesday, December 16, 2020

दत्तशिखर माहूर बसफ़ॅनिंग (२०१८ आणि २०२०): नवे पर्व, एम. एस. सर्व

दत्त शिखरवर आम्ही बालपणी जायचो तेव्हा ती माहूर-रेणुका-अनुसया शिखर-दत्त शिखर-माहूर ही लोकल फ़ेरी दत्त शिखरला उभी दिसणे हा एक आनंदाचा गाभा असायचा. आमच्या बालपणी ’टाटा’च्या राज्यात वाढलेल्या आम्हा भावंडांना लेलॅंण्डच्या गाड्यांचे आणि त्यांच्या एंजिन फ़ायरिंगच्या आवाजाचे विशेष आकर्षण असायचे.

बालपणी नेहेमी माहूर गावातून गडावर आणि दत्त व अनुसया शिखरपर्य़ंत सोडणारी ही गाडी आमची लाडकी होती. त्यावेळी या गाडीच्या सतत फ़े-या सुरू असायच्यात. एका फ़ेरीने रेणुका शिखरपर्य़ंत येऊन पुढल्या फ़ेरीपर्य़ंत तिथले दर्शन आटोपून आम्ही पुढल्या दोन्ही ठिकाणांसाठी रवाना होत असू. गाडीपण अनुसया शिखरला भाविक चढून उतरून परतेपर्य़ंत खाली वाट बघत उभी असायची. दत्त शिखरलाही भाविकांचे दर्शन होईपर्य़ंत ड्रायव्हर काकांचा तिथे नाश्ता (बहुतेक कढी-आलुबोंडा किंवा फ़ोडणीची खिचडी) होऊन जायचा.

आजकाल महाराष्ट्र राज्य मार्ग परिवहन महामंडळाने सर्व गाड्यांना माइल्ड स्टीलमध्ये बदलण्याचा निर्णय घेतला. जुन्या ऍल्युमिनियम बांधणीत बसचे वजन जरी कमी होत असले तरी इतर बरेच दोष त्या बांधणीत होते. आजकाल बहुतांशी खाजगी गाड्यासुद्धा माइल्ड स्टील बांधणीच्या येतात. त्यामानाने एस. टी. ने बांधणीत बदल करण्याचा निर्णय फ़ार उशीरा घेतला असे म्हणावे लागेल. ठीक आहे.

आता "देर आये, दुरूस्त आये" हे म्हणायचे की "Too little, too late" म्हणायचे हे येणारा काळच ठरवेल.

२०१८ मध्ये दत्तशिखरला दिसलेली बस.