करूणाष्टक - २६

 

सदा सर्वदा योग तूझा घडावा ।

तुझे कारणीं देह माझा पडावा ॥

उपेक्षूं नको गूणवंता अनंता ।

रघूनायका मागणें हेंचि आतां ॥ २६ ॥

हे रामराया, मला नेहेमी तुझेच चिंतन असू दे आणि त्यायोगे सदैव माझ्या मनात तूच असू देत. तुझ्या कार्यासाठीच हा माझा अनित्य देह संपू दे. हे गुणसागरा आणि अनंत असलेल्या परमेश्वरा, तुझ्याकडे माझे हे एकच मागणे आहे. 

- प्रा. राम प्रकाश किन्हीकर

( या श्लोकाचा व्हिडीयो इथे )