करूणाष्टक - ३६

 

मनीं कामना कल्पना ते नसावी ।

कुबुद्धी कुडी वासना नीरसावीं ॥

नको संशयो तोडिं संसारव्यथा ।

रघूनायका मागणें हेंचि आतां ॥ ३६ ॥

मनात काही इच्छा, काही कल्पना असू नयेत. माझ्या मनात काही वाईट बुद्धी, काही वासना असल्यास हे भगवंता तू त्यांचे निरसन कर. माझ्या मनात आता या संसारातल्या विविध व्यथा उत्पन्न करणारे विविध संशय नको आहेत. हे रघूनायका माझे तुझ्याकडे हेच मागणे आहे.

- प्रा. राम प्रकाश किन्हीकर

( या श्लोकाचा व्हिडीयो इथे )