करूणाष्टक - २०

 बहुसाल देवालयें हाटकाचीं |

रसाळ कळा लाघवें नाटकाचीं ॥

पुजा देखितां जाड जीवीं गळालों ।

तुझा दास मी व्यर्थ जन्मास आलों ॥ २० ॥

हे देवा, तुझी अनेक सोन्याची देवालये तुझ्या थोर थोर भक्तांनी उभारलेली आहेत. त्यात ते अनेक उत्सव साजरे करीत असतात. त्यांनी केलेली तुझी साग्रसंगीत पूजा पाहून मी आतल्या आत घाबरून गेलेलो आहे. यातले मी काहीही केलेले नसल्याने मी तुझा दास म्हणून व्यर्थ जन्माला आलो आहे असे मला वाटते आहे.

- प्रा. राम प्रकाश किन्हीकर

( या श्लोकाचा व्हिडीयो इथे )