आजवर मानसिक रूग्ण असलेल्या व्यक्तिरेखा अनेक चित्रपटांमधे बघितल्यात. पण "चौकट राजा" मधल्या दिलीप प्रभावळकरांनी जे बारकावे दाखवलेत त्याला तोड नाही.
बहुतांशी मानसिक रूग्णांच्या डोळ्यात जे थिजलेपण असतं ते अभिनयातून दाखवणे खूप कठीण. ते फक्त आणि फक्त प्रभावळकरांनी दाखवलय.
व पु काळे त्यांच्या पंतवैद्य कथेत म्हणतात, "प्रतिभावान माणसाला मूर्खपणाचे सोंग करावे लागणे ही अतिशय अवघड गोष्ट आहे." तसेच अत्यंत बोलक्या डोळ्यांच्या अभिनेत्याला असे थिजलेले डोळे दाखवणे म्हणजेही अभिनयाचे शिवधनुष्य पेलणेच होय.
आता सलमान खान, अरबाज खान वगैरे मंडळींची गोष्टच वेगळी. त्यांनाही असे थिजले डोळे दाखवायला विशेष प्रयत्न करावे लागतील. पण उलट बाजूने. मुळातच बथ्थड डोळ्यांना थिजलेले दाखवावे लागणे म्हणजे त्यात त्यांना थोडे तेज टाकावे लागेल. आणि जे त्या बिचार्यांना या जन्मात कळणारच नाही तर जमणार कसे ?
- प्रभावळकरांच्या बावन्नकशी अभिनयाचा खूप मोठ्ठा फॅन असलेला अभिनेता राम.
