Tuesday, September 22, 2020

जागो ग्राहक जागो.

 आजचा छोटासा पण महत्वपूर्ण विजय.

डिश टीव्ही ने गेल्या ३ महिन्यांपासून नवीनच प्रकार सुरू केलाय. मी कधीही न मागितलेल्या value added services माझ्या पॅकमधे टाकून देतात आणि त्याचे ५० ते १०० रूपये माझ्या रिचार्जमधून परस्पर वजा करतात.
दर महिन्याचा रिचार्ज करताना ही बाब लक्षात आली की मी ती चॅनेल्स काढून टाकण्याचा प्रयत्न करतो पण ती चॅनेल्स या लोकांनी नेमकी लाॅक्ड इन केलेली असतात.
मग
१. त्यांच्या ग्राहक सेवा केंद्रात फोन करा.
२. खूप वेळानंतर उपलब्ध होणार्या त्यांच्या माणसाशी संपर्क करा.
३. त्याला विनंती करून ती चॅनेल्स काढून टाकण्याची विनंती करा.
यावेळी माझ्या लक्षात आल की भलेही विनंती केल्यावर त्यांनी ती चॅनेल्स काढून टाकलीत तरी ते पैसे परत मिळत नाहीत किंवा दुसर्या कुठल्या पॅकमधे अॅडजस्ट पण होत नाहीत.
या महिन्यात तर त्यांनी कहरच केला. माझ्यासारख्या मराठी माणसाच्या पॅकमधे (अर्थातच मी कधीही मागितलेले नसताना) कोरियन नाटकांचे चॅनेल सुरु करून त्याचे १०० ₹ लावून टाकले.
आज त्यांच्या ग्राहक सेवा केंद्रातूनही अत्यंत उध्दट आणि उडवाउडवीची उत्तरे मिळालीत. त्यांच्या site वर online complaint पण काहीतरी फालतू कारणांनी दाखल करून घेईनात.
मग आपली सटकली. consumerhelpline.gov.in वर सविस्तर तक्रार केली.
नंतरच्या अर्ध्या तासात डिशच्या लोकांचे दोन फोन्स आले. तासाभरापूर्वी जी सिस्टीम "करोनामुळे बंद" (त्यांनी सांगितलेले कारण) होती, ती एकदम धावू लागली. तक्रारीचे निवारण एक्सप्रेस वेगाने झाले.

No comments:

Post a Comment