पुणेकरांच्या जगावेगळेपणाचे अजून एक उदाहरण.

 १९८९ नंतर रस्त्यावरच्या सर्व स्वयंचलित गाड्यांची नंबरांची जुनी व्यवस्था बदलून भारतभर नवी व्यवस्था आणल्या गेली.

उदाहरणार्थ नागपूरचे MZV XXXX वगैरे बदलून नवीन नोंदणी होणार्‍या वाहनांना MH - 31/ XXXX असे नंबर दिल्या जाऊ लागलेत.

MH - 31 / 1 ते 9999 संपलेत.

मग MH - 31 / A XXXX पासून Z XXXX संपलेत.

मग आलेत MH - 31 /AA XXXX.

Parallely हीच व्यवस्था पुण्यातही तशीच सुरू होती.

फरक पडला तो AA 9999 नंबरनंतर महाराष्ट्रभर AB 0001 पासून नवी सिरीज सुरू झाली. आणि ती AZ 9999 पर्यंत चालली.

पुण्यात MH - 12 /AA 9999 नंतर MH - 12 / BA 0001 ही सिरीज सुरू झाली आणि ...FA...RA...QA...करीत करीत MH - 12 / ZA 9999 पर्यंत पोहोचली.

अशी सिरीज अवलंबणारी देशात फक्त दोन शहरे. पुणे आणि रायपूर.(तेव्हाचे MP - 23, आत्ताचे CG -04)

आहे की नाही, पुणेकरांचा स्वतंत्र विचार करणारा मेंदू ? अरे त्याची काही कदर कराल की नाही ?

- पुण्याच्या जवळजवळ प्रेमातच असलेला भावी पुणेकर, रामचंद्रपंत.

ता.कः पुलंनी लिहील्याप्रमाणे या साध्या गोष्टीचाही मी "जाज्वल्य" अभिमान बाळगतो.

सहीत चुकून "रामभाऊ" लिहीणार होतो, ते बदलून, पुणेकरांना शोभेलसे जरा भारदस्त नाव घेतलेय.

MH - 12 / FA XXXX,

MH - 12 / RA XXXX, MH -12 / QA XXXX

आणि MH - 12 / UA XXXX या नंबरांच्या एस. टी. गाड्या १९९० च्या दशकातच पाहिलेल्या एस. टी. प्रेमीचे हे निरीक्षण.