देवाचिये द्वारी - ५५

 

स्मरण देवाचे करावे I अखंड नाम जपत जावे I

नामस्मरणे पावावे I समाधान II

 

नित्य नेम प्रातःकाळी I माध्यानकाळी सायंकाळी I

नामस्मरण सर्वकाळी I करीत जावे II

 

चालता बोलता धंदा करिता I खाता जेविता सुखी होता I

नाना उपभोग भोगिता I नाम विसरो नये II

 

बाळपणी तारूण्यकाळी I कठीणकाळी वृद्धाप्यकाळी I

सर्वकाळी अंतकाळी I नामस्मरण असावे II

 

काहीच न करून प्राणी I रामनाम जपे वाणी I

तेणे संतुष्ट चक्रपाणी I भक्तांलागी सांभाळी II

 

चहु वर्णा नामाधिकार I नामी नाही लहानथोर I

जड मूढ पैलपार I पावती नामे II

 

 

नवविधा भक्तीतली तिसरी भक्ती म्हणजे नामस्मरणभक्ती. ही नामस्मरण्भक्ती किती सोपी आणि भगवंताचे सान्निध्य लाभण्यासाठी किती उपयुक्त आहे हे श्रीसमर्थ या नामस्मरण्भक्ती नाम समासातून आपल्याला सांगताहेत..

 

II निवृत्ती ज्ञानदेव सोपान मुक्ताबाई एकनाथ नामदेव तुकाराम II

 II जयजय रघुवीर समर्थ II

 

- प्रा. राम प्रकाश किन्हीकर

(भाद्रपद शुद्ध षष्ठी, शके १९४४ , दिनांक ०२/०९/२०२२)